«Grand Theft Auto: III» (կրճատ` «GTA III» կամ «GTA 3»), 2001 թվականին ստեղծված էքշըն և բաց աշխարհ ժանրերի համակարգչային խաղ` մշակված «DMA Design» (այժմ Rockstar North) ստուդիայի կողմից և հրատարակված «Rockstar Games»-ի կողմից։ Առաջին եռաչափ անիմացիոն (3D) խաղն է Grand Theft Auto սերիայում։ Խաղը PlayStation 2պլատոֆորմայի համար թողարկվել է 2001թ.-ի նոյեմբերին, Windows-ի համար` 2002թ.-ի մայիսին, Xbox-ի համար 2003թ.-ի նոյեմբերին, 2010թ.-ի նոյեմբերին` Mac OS X-ի համար։ 2011թ.-ի դեկտեմբերի 15-ին` խաղի 10-ամյակի կապակցությամբ, այն թողարկվում է iOS և Android հեռախոսասարքերի համար էլ։ GTA 3-ը հաջորդում է Grand Theft Auto 2-ին և նախորդումGrand Theft Auto: Vice City-ին։

Խաղի դեպքերը տեղի են ունենում Լիբերթի սիթիում (Նյու Յորքի նախատիպով)։ Գլխավոր հերոսը (և խաղացվող կերպարը) մի անանուն հանցագործ է, ով խաղի ընթացքում միշտ լուռ է մնում, սակայն նրա կերպարը հետագայում երևում է GTA: San Andreas-ում, որտեղից էլ պարզվում է, որ նրա անունը Կլոդ է։