«Grand Theft Auto: San Andreas» (այլ կերպ` «GTA: San Andreas»), 2004 թվականինին «Rockstar North» ստուդիայի կողմից մշակված և «Rockstar Games» ընկերության կողմից թողարկված էքշըն և բաց աշխարհ ժանրերի համակարգչային խաղ։ «Grand Theft Auto» սերիայի թվով 3-րդ եռաչափ անիմացիայով (3D) խաղն է։ «Grand Theft Auto: San Andreas»-ը հաջորդում է «Grand Theft Auto: Vice City»-ին և նախորդում «Grand Theft Auto: Liberty City Stories»-ին։

Դեպքերը տեղի են ունենում Սան Անդրեաս ֆիկտիվ նահանգում, որի մեջ մտնում են հետևյալ քաղաքները` Լոս Սանտոս(Լոս Անջելեսի նախատիպով), Սան Ֆիեռո (Սան Ֆրանցիսկոյի նախատիպով) և Լաս Վենտուրաս (Լաս Վեգասինախատիպով)։ Խաղում 1992թ.-ի վերջերն է. այդ ժամանակ մոր մահվան գույժը լսելով` Լիբերթի սիթիից Լոս Սանտոս է ժամանում գլխավոր հերոսը (և խաղացվող կերպարը)` Կարլ Ջոնսոնը կամ Սի Ջեյը։